Sihke Norgga ja Suomabeale Sámis gávdno dál sámegiel teaksta pássain – muhto ii Ruoŧas. Ruoŧas oaivvildit poliisat ahte lea beare unnán sadji ja danin ii leat šaddan nu, leat vel šaddan váldit eret gielaid go ii gávdno sadji. – Ruoŧŧa lea maŋŋelis, lea hui dehálaš ahte sámegiella čalmmustuvvo, dadjá Nadja Östergren, várre sátnejođiheaddji sámedikki giellakomiteas.